Ҳамюртимиз Элдор Шомуродовни харид қилган "Женоа" клубининг дарвозабони Маттиа Перин коронавирус касаллиги ҳақидаги фикрини билдириб ўтди.

"COVID-19 лабораторияда яратилганига аминман. У ҳайвонлардан юқмаган. Ушбу вирус унчалик хавфли эмас, деб айтадиган ёки унинг мавжудлигини инкор этувчи инсонларни умуман тушуниб бўлмайди.

Мен қўрқаманми? Биз спортчилар танамизни доим мукаммал ҳолатда бўлишини таъминлаш учун ҳаракат қиламиз. Шундай экан, қўрқувга ўрин йўқ.

Шикастланиш касаллик билан бир хил нарса эмас. Иккиси ҳар жиҳатдан турли нарсалардир. Касаллик бу жуда ёқимсиз, у номаълум душманга ўхшайди," - деди Перин.

Аввалроқ, 27 ёшли дарвозабон коронавирус касаллигини енгиб ўтган эди. Унинг трансфер ҳуқуқи "Ювентус"га тегишли бўлиб, "Женоа"га ижарага берилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар