“Женоа” Шомуродовга рақобатчи олиб келди

Элдор Шомуродовни трансфер қилган “Женоа” ҳужум чизиғида рақобатни кучайтириш учун яна бир футболчини олиб келди.

Генуяликлар “Сассуоло” ҳужумчиси Жанлука Скамаккани жорий мавсумнинг охиригача ижарага олди. 21 ёшли футболчи ўтган мавсумни ҳам ижарада ўтказиб, В Серия вакили “Асколи” сафида ўйнади. Жанлука 22 та учрашувда рақиблар дарвозасини тўққиз маротаба ишғол қилди.

Айни пайтда “Женоа” таркибидаги ҳужумлар сони етти нафарга етди. Улардан фақат икки нафари – Жанлука Скамакка ва Маттия Дестро италияликдир. Қолган беш нафар ҳужумчилардан Элдор Шомуродов Ўзбекистон, Горан Пандев Македония, Клаудио Спинелли Аргентина, Марко Пьяца Хорватия ва Жоэль Асоро Швециядан келган.

Янги мавсумда “Женоа” ҳужумчиларидан Пандев, Дестро ва Пьяца иккитадан учрашувда майдонга тушиб, рақиб дарвозасини бир маротабадан ишғол қилган.

Элдор Шомуродов “Женоа”даги илк машғулотини 5 октябрь куни ўтказади. А Сериядаги дебютини 19 октябрда “Верона”га қарши ўтказиладиган сафар учрашувида нишонлаши кутилмоқда.

Ўруновнинг жамоадоши Шомуродов ортидан Италияга кетишни истамоқда

Шомуродов “Женоа” билан шартнома имзолади ва қачон дебют қилиши аниқ бўлди