Ўруновнинг жамоадоши Шомуродов ортидан Италияга кетишни истамоқда

Россия футболида премьер-лигадан кучли бешлик мамлакатлари чемпионатига йўл олиш кам кузатиладиган ҳолат. Бироқ, якунланиш арафасида турган жорий трансфер бозорида Италия А Серияси вакиллари рус клубларидан футболчи ола бошлагани бошқа ўйинчиларнинг ҳам иштиёғини оширмоқда.

“Спартак” ярим ҳимоячиси Роман Зобнин ҳам кучини кучли чемпионатларда синаб кўришни истаётганини яширмади.

- Агар менга чорловлар келса, ҳатто ўша “Аталанта” чақирса ҳам, рад жавобини бермаслигим аниқ. Лекин ҳозир “Спартак” билан шартномам бор. Агар ҳаммаси ўхшаб қолса, мен қаршилик қилмайман. Қўпол қилиб айтганда, мени 5 миллион еврога ҳеч ким сотмайди. 10 миллион еврога эса, ҳеч қайси клуб олмайди. Чунки улар беш миллионга худди мен каби, ҳатто ёшроқ ўйинчини олиш имконига эга, - деди Зобнин.

23141157.763307.8061

Маълумки, яқинда “Локомотив” етакчиси Алексей Миранчук “Аталанта”га, “Ростов” ҳужумчиси Элдор Шомуродов “Женоа”га кўчиб ўтган эди.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)