Жесус «Барселона»га ўтиш тафсилотларини очиқлади

«Барселона»нинг янги футболчиси Габриэл Жезус каталонияликлар сафига ўтиш жараёни қандай кечгани ҳақида гапириб берди. Унга кўра, трансфер масаласи жуда қисқа вақт ичида ҳал қилинган – атиги бир суткада унинг кўк-анорранглилар сафига қўшилиши бўйича келишувга эришилган.

Бразилиялик ҳужумчи «Барселона» раҳбарияти ва ўз агентининг тезкор ишини алоҳида таъкидлаб ўтди.

«Охирги ҳафта ичида ҳамма нарса жуда тез рўй берди. Деку, президент, клуб ва менинг агентим амалга оширган иш ҳақиқатан ҳам ажойиб бўлди. Атиги бир сутка ичида менда «Барселона»га ўтиш имконияти борлиги аниқ бўлди», — деди Жезус.

Эслатиб ўтамиз, «Барселона»га келгунга қадар Жезус «Арсенал» таркибида тўп суриб келаётган эди.