Жейк Пол: "Жағимнинг икки томонига титан пластинка қўйиб, бир нечта тишларим суғуриб олишди"

Хабарингиз бор, таниқли боксчи-блоггер Жейк Полнинг жағи собиқ жаҳон чемпиони Энтони Жошуа билан жангда синган эди. Шундан сўнг, Жейк операция қилингани хабар берилди. Бугун эса You Tuber барчаси жойида эканини айтди.

"Яқинда операциядан чиқдим. Ҳаммаси яхши ўтди. Жағимнинг икки томонига иккита титан пластинка қўйиб, бир нечта тишларим суғуриб олишди. Нима ҳам дердим, қувватлаганингиз учун ташаккур. Кейинги ҳафтадан суюқлик истеъмол қилишим мумкин экан. Майами университетининг ажойиб жамоасига катта раҳмат. Ҳамма жуда меҳрибон ва ғамхўр", - деб ёзди Пол ўзининг ижтимоий тармоқдаги саҳифасида.

Эслатиб ўтамиз, АҚШда ўтказилган баҳсда Жошуа 6-раундда Жейкни нокаутга учратди.