Жезус Неймарнинг қайси рекордини янгилади?

"Манчестер Сити" клуби форварди Габриэл Жезус кеча ЕЧЛ гуруҳ босқич сўнгги туридан ўрин олган “Динамо” Загребга қарши ўйинда хет-трик қайд этди ва ҳамюрти Неймардан ўзиб кетди.

Гап шундаки, Жезус Чемпионлар лигасида 10 та гол урган энг ёш бразилиялик футболчига айланиб олди. Шу куни у 22 ёш 252 кунлик эди.

Бу борадаги аввалги рекордчи ҳисобланган Неймар эса ушбу натижани 23ёш 75 кунлигида уддалаган.

Маълумот учун, Жезус “Манчестер Сити” сафига 2017 йил Бразилиянинг “Палмейрас” клубидан кўчиб ўтган эди.