Жезуш Роналдунинг Португалия терма жамоасидаги келажаги ҳақида аниқ жавоб берди

Португалия терма жамоаси бош мураббийи Жорже Жезуш яқинда юзага келган можародан сўнг ҳам Криштиану Роналду билан ишлашга тайёр эканини маълум қилди.

Эслатиб ўтамиз, 41 ёшли Роналду жорий йиғин ўртасида мураббий томонидан ўзини етарлича ҳурмат қилинмаяпти, деб ҳисоблаб, терма жамоа қароргоҳини ўзбошимчалик билан тарк этган эди.

«Ҳозирча вазият очиқ қолмоқда. Криштиану ўз келажагини ўзи ҳал қилади – бу ерда менга боғлиқ нарса йўқ. Содир бўлган воқеани катта можаро деб ҳисобламайман, бу кўпроқ тушунмовчилик, холос. Бу муаммони осон ҳал қилиш мумкин, деб ўйлайман. Ҳеч қандай алам ёки хафалик йўқ, аммо кейин нима бўлишини айта олмайман. Роналду қарорни ўзи қабул қилиши керак. Агар у ноябрда жамоага қайтишни истаса, нега йўқ?» – дея Жезушнинг сўзларини Al Nassr Zone келтиради.

Шу билан бирга, Португалия терма жамоаси якшанба куни Миллатлар лигаси доирасида ўз майдонида Норвегияни 2:1 ҳисобида мағлуб этди.