Жиру: "Ливерпул"ни фақат ғалаба қониқтиради, бизни ҳам

Лондоннинг "Челси" клуби ҳужумчиси Оливье Жиру бугун АПЛнинг 34-тури доирасида "Ливерпул"га қарши бўлиб ўтадиган ўйиндан ўз фикрларини билдириб ўтди.

“Мен ван Дейкга қарши бир неча бор ўйнаганман ва бу ҳар доим қийин бўлган. У жуда кучли, аммо, мен ушбу ўйинларда кўплаб голлар ура олганман.

Биз олдимизда ким турганидан чўчимаймиз. Биз фақат ғалаба ҳақида ўйлаямиз.

“Ливерпуль” чемпионлик учун курашмоқда ва бу улар учун муҳим ўйин бўлади. Уларга фақат ғалаба керак. Аммо биз ҳам Чемпионлар лигаси йўлланмасини бой бермаслигимиз учун очко йўқотмаслигимиз шарт”, - дейди франциялик футболчи.

Эслатиб ўтамиз, "Ливерпуль" - "Челси" учрашуви бугун Тошкент вақти билан соат 20:30да бошланади.