Jiyanov: "Raqiblar oyoqqa o‘ynashga harakat qilishyapdi"

Superliganing 11-turidan o‘rin olgan “Nasaf” — “Navbahor” uchrashuvida hisob ochilmadi — 0:0. Bellashuvdan so‘ng namanganliklar futbolchisi Ruslanbek Jiyanov o‘z fikrlari bilan o‘rtoqlashdi.

"Biz professionalmiz, har bir vaziyatga tayyor turishimiz kerak, borimizni berdik. Ichki muhit yaxshi, Xudoga shukur, charchoq alomatlari yo‘q. Lekin raqib ayrim vaziyatlarda o‘tkazib yubormaslikka harakat qildi, ya’ni o‘tib ketish mumkin bo‘lgan holatlarda ko‘proq oyoqqa o‘ynab, o‘yinni sekinlashtirishga urindi. Bu ham o‘yinning bir qismi, bunga ham tayyor turish kerak.

Muxlislarga gap yo‘q — qaerda o‘ynashimizdan qat’i nazar, kelib qo‘llab-quvvatlashyapti. Biz ham ularni xursand qilishga harakat qildik, ammo bu safar o‘xshamadi. Gol bo‘lmadi. Xudo xohlasa, mavsum hali uzoq, maqsadlarimiz yuqori va shu yo‘lda davom etamiz. Jarohatdagilar qaytsa, bu jamoaga katta yordam beradi".