Жо Коул яна "Челси"га қайтди

Лондоннинг “Челси” клуби ўзининг собиқ ҳужумчиси Жо Коулнинг яна жамоага қайтганини эълон қилди.

Клуб расмий сайти тарқатган хабарга кўра ўтган ой фаолиятини якунлаган 37 ёшли англиялик футболчи “аристократлар” академиясида ёш футболчиларга таълим беради.

Маълумот учун, Коул 2003-2010 йилларда “Челси” шарафини ҳимоя қилган. Ушбу вақт мобайнида жами 280та ўйинда майдонга тушган ва ўз ҳисобига 40та гол ҳамда 42та голли узатма ёздириб қўйишга эришган.