Жоау Невеш ПСЖ билан шартномасини 2030 йилгача узайтирди

Португалиялик ярим ҳимоячи Жоау Невеш ПСЖ билан шартномасини яна бир йилга узайтирди. Бу ҳақда "Le Parisien" нашри хабар бермоқда.

Янги келишув 2030 йилгача амал қилади. Аввалги шартнома 2029 йилгача мўлжалланган эди. Манбага кўра, янги битимга асосан футболчининг маоши ҳам оширилган.

Невеш 2024 йил ёзида "Бенфика"дан ПСЖ сафига қўшилган эди. У парижликлар таркибида ўтган мавсум УЕФА Чемпионлар лигаси ғолибига айланган.