Жошуа Фьюрини нокаут қила оладими?

Тўртта вазн тоифасида собиқ жаҳон чемпиони америкалик кичик Рой Жонс британиялик оғир вазн тоифасидаги Тайсон Фьюри ва Энтони Жошуа ўртасидаги эҳтимолий жанг ҳақида гапирди.

“Жошуа Фьюрини нокаутга учрата оладими? Ҳамма шундай ўйлайди. Лекин бир жиҳат борки, одамлар буни тушунмайди.

Фьюри етти марта йиқилди, лекин у доим ўрнидан турди. Ҳатто дунёдаги энг қийин нокаутчи Деонтей Уайлдер ҳам уни икки марта йиқитди ва у икки марта ўрнидан турди. Нима деб ўйлайсиз, у Жошуа томонидан йиқитилгандан кейин ўрнидан турмайди? Бу содир бўлади деб ўйламайман”, - деди Жонс сўзларини келтирган Betaway нашрига берган интервьюсида.

Март ойи бошида бўлиб ўтган сўнгги жангида Жошуа камерунлик ММА юлдузи Фрэнсис Нганнуни иккинчи раундда нокаутга учратган эди. Фьюри эса ўтган ой украиналик Александр Усикка очколар бўйича ютқазиб, фаолиятидаги илк мағлубиятини қабул қилди.