Жота: "Биз қийин ҳафта бўлиши билган эдик"

"Ливерпуль" ҳужумчиси Диого Жота ПСЖга қарши беллашувдан аввал Арне Слот билан биргаликда матбуот анжуманида иштирок этди. Португалиялик ҳужумчи бўлажак учрашув ва Салоҳ ҳақида ўз фикрлари билан ўртоқлашди. 
 
"Биз олдинроқ бу ҳафта биз учун муҳимлигини сезиб, ҳис қилган эдик. Шунга қарамай, биз кейинги босқичга йўл олишни хоҳлаймиз. 
 
Ўтган ҳафта оғир ўтдими? Ўйлашимча, ҳа. Лекин эртага олдимизда мухлислар бўлишади ва бу бошқача бўлади. Айрим ўйинлар оғир ўтади, режамиз ўхшамайди, аммо шунда ҳам характер кўрсата олишимиз муҳим. 
 
Асосий футболчимиз Салоҳ фантастик ўйин намойиш этмоқда. Одамлар унинг статистикасини ҳисоблашни тўхтатиши керак. Чунки фаолиятидаги энг яхши мавсумни ўтказмоқда. У биз учун муҳим футболчи ва келинг, якуний рақамлар қандай бўлишини кутамиз. 


 
Бу мавсум мен учун оғир ўтмоқда. Мавсум давомида жароҳатим сабаб, бир нечта муаммоларга йўлиқдим. Охирги ойларда яхши формада эмаслигини ҳис этяпман, бироқ шунга қарамай, ўзимнинг бор кучимни бераман. Бу қанча вақт олишини эса билмайман. 
 
4 йилдан ошиқ вақт давомида Чемпионлар лигасида гол кирита олмаётганлигимни билмас эканман. Статистика — бу ўйиннинг бир қисми, лекин у ҳамма нарсадан далолат бермайди. Гол киритишни хоҳлайман, аммо гол кирита олмасам ҳам, кейинги босқичга чиқсак, бундан умуман ташвишланмайман" - дея таъриф бериб ўтди мерсесайдликлар ҳужумчиси.