Жота "Ливерпуль"нинг рекордчисига айланди

"Ливерпуль" ҳужумчиси Диого Жота "Ноттингем Форест"га қарши ўйинда (1:1) 66-дақиқада захирадан майдонга тушди ва атиги 22 сония ўтиб, "ўрмончилар" дарвозасини ишғол қилиб, жамоасига дуранг натижа келтирди. 

"Squawka" маълумотларига кўра, Жота "Ливерпуль" тарихида Премьер-лига доирасида захирадан тушганидан кейин энг тез гол урган футболчига айланди (2006/07 йилги мавсумдан бошлаб йиғилган статистика бўйича).

Арне Слот бошчилигидаги жамоа Англия чемпионати турнир жадвалида биринчи ўринни сақлаб қолмоқда. "Қизиллар" 20 та ўйиндан кейин 47 очко тўплаган, "Ноттингем Форест" эса 21 та ўйиндан кейин 41 очко билан иккинчи ўринда бормоқда.