Журналист ва блогерлар ўртасида 23-29 август кунлари “MEDIA.UZ – футбол ҳафталиги” ўтказилади

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан Ўзбекистон футбол ассоциацияси билан ҳамкорликда 2019 йил 23-29 август кунлари мамлакатимиз мустақиллигининг 28 йиллигига бағишлаб оммавий ахборот воситалари, нашриёт-матбаа корхоналари ходимлари, журналист ва блогерлар учун “MEDIA.UZ – футбол ҳафталиги” ўтказиш режалаштирилган.

Мусобақа — юртимиздаги журналист ва блогерлар, умуман миллий медиа майдонида фаолият юритаётган ижодкорларни халқ фаровонлигини ошириш, мамлакат тараққиётига ҳисса қўшишда бир мушт бўлиб бирлаштириш ва жипслаштириш мақсадида ташкил этилмоқда.

Ахборот соҳасининг барча вакилларини дўстлик, ҳамжиҳатлик, ҳамфикрлик шиори остида ўтказиладиган “MEDIA.UZ – футбол ҳафталиги”гида фаол иштирок этишга чорлаймиз!


Ҳурматли блогер ва журналистлар!

Мусобақа низомига мувофиқ, унда асосан оммавий ахборот воситалари ходимлари, журналистлар, блогерлар ҳамда агентлик тизимига кирувчи ташкилотлардан тузилган 24 та жамоа қатнашади. Унда иштирок этиш истагини билдирганлар шахсини тасдиқловчи хужжатлар — фуқаролик паспорти, меҳнат дафтарчаси ёки тузилганига 3 ойдан кам бўлмаган муддатли меҳнат шартномалари нусхасини, шунингдек, 3х4 ҳажмдаги фотосуратларини "oksmm@intal.uz" электрон манзилига юбориши лозим.

Аризалар 2019 йилнинг 22 августигача қабул қилинади.

Бундан ташқари, тадбир арафасида — 22 август куни Ахборот ва оммавий коммуникациялар агентлигида футбол мусобақасига қуръа ташлаш маросими ўтказилади. Шунингдек, матбуот анжуманида мусобақа тартиб-қоидалари, очилиш ва тақдирлаш маросими тўғрисида ахборот берилади.

Қўшимча маълумотларни қуйидаги телефон рақамлари орқали олишингиз мумкин:
Тел: (97) 920-24-80
(71) 277-77-58