K Liga. Ashurmatovning jamoasi g‘alabani qo‘ldan chiqardi

Bugun Janubiy Koreya K Ligasida 15-tur o‘yinlari davom ettirilmoqda. Hamyurtimiz Rustam Ashurmatov to‘p tepadigan "Gvangju" jamoasi safarda "Poxang Stilers"ga qarshi bahs olib bordi va so‘nggi daqiqalarda o‘tkazib yuborilgan gol tufayli g‘alabani qo‘ldan chiqardi.

Ashurmatov 90 daqiqa davomida maydonda faol harakat qildi. Shu tariqa, "Gvangju" hisobidagi ochkolar soni 15 taga etdi va jamoa turnir jadvalida 9-o‘rinni egallab turibdi.

K Liga. 15-tur

"Poxang Stilers" - "Gvangju" 1:1

Gollar: Gox Yung Jun (90) - Felipe Silva (62 penaltidan)