Кагава эсингиздами? У ўзига янги жамоа топди

Ярим ҳимоячи Шинжи Кагава фаолиятини Греция чемпионатида давом эттириши мумкин. Бу ҳақда "Calciomercato" хабар тарқатди.

Манбанинг ёзишича, япониялик футболчи ПАОК билан келишувга эришишга яқин турибди. Греция клуби Кагавага 2022 йилгача мўлжалланган шартнома таклиф қилмоқда.

Футболчининг сўнгги жамоаси "Реал Сарагоса" ҳисобланади. Айни дамда Шинжи эркин агент мақомида. Аввалроқ, унинг хизматига "Удинезе" қизиқиш билдираётгани ҳақида хабарлар тарқалганди.