Канчельскис "Динамо"га қарши ўйин ҳақида: Биз икки очко йўқотдик

"Бугун футболчилар мухлисбоп ўйин намойиш этишди. Учрашув голлар, хавфли вазиятларга бой тарзда кечди. Шогирдларимнинг ўйинларидан унчалик қониқиш ҳосил қилмадим. Йигитлар баҳснинг иккинчи бўлимини бироз яхши ўтказишди, лекин биринчи бўлим ҳақида ундай дея олмайман. Боиси, унда кўплаб қулай имкониятлар қўлдан бой берилди.

Ҳали ушбу вазиятларни яхшилаб ўрганиб чиқамиз, зарур хулосаларни чиқарамиз. Биз фақатгина бир ўйинда эмас, балки, ҳар бир учрашувда яхши футбол кўрсатишимиз лозим. Мухлисларга эса узоқ йўл босиб, бизни қўллаб-қувватлаш учун келганликларига миннатдорчилик билдираман.

Биз бугунги ўйинда бир очко ишламадик, балки, икки очко йўқотдик", - деб россиялик мутахассиснинг сўзларини келтириб ўтди "Навбаҳор" матбуот хизмати.