Kannavaro eng kuchli himoyachi kim ekanini aytdi

O‘zbekiston milliy terma jamoasi bosh murabbiyi Fabio Kannavaro Italiya futboli vakili hisoblanadi.  U futbolchilik faoliyatining katta qismini o‘z yurtida – “Napoli”, “Parma”, “Inter”, “Yuventus”da o‘tkazgan.

Fabio Kannavaro Italiya chempionatidagi eng yaxshi himoyachi nomini aytdi.

- Italiyalik himoyachilar o‘rtasida menga Alessandro Buondjorno ko‘proq yoqadi. Chunki u to‘p bilan sifatli ishlash bilan birga butun uchrashuv davomida bor diqqatini o‘yinga qarata oladi. Bu omil har bir himoyachi uchun eng muhim sifatlardan biridir, - dedi Fabio Kannavaro.

Ayni paytda Kannavaro O‘zbekiston milliy terma jamoasini 2026 yili AQSh, Kanada va Meksikada bo‘ladigan jahon chempionatiga tayyorlamoqda.