Канте учун даъвогарлар қаторига яна бир гранд клуб қўшилди

Туриннинг "Ювентус" клуби ҳам "Челси" хавбеки Нголо Канте учун курашга қўшилди.

Calciomercato нашрининг маълум қилишича, “аристократлар” 29 ёшли французни сотмоқчилиги ҳақида тарқалган хабардан сўнг, “кекса синьора” ҳам дарҳол унинг учун курашга қўшилган. Айтиш керакки, Канте учун “Реал” ва ПСЖ ҳам асосий даъвогарлар қаторида тилга олинмоқда.

Нголо Канте жорий мавсум “Челси” сафида жами 22 та ўйинда майдонга тушди ва 3 та гол уришга эришди. Унинг трансфер нархи 80 млн еврони ташкил қилади.