Карим 1000-голни урди. Бунақаси тарихда бўлмаган!

УЕФА Чемпионлар лигаси гуруҳ босқичи 4-турида “Реал” ўз майдонида Украинанинг “Шахтёр” клубини 2:1 ҳисобида мағлубиятга учратди.

Учрашувда мадридликларнинг ҳар икки голини Карим Бензема урди. Франциялик ҳужумчининг дастлабки голи тарихий аҳамият касб ўтди. Бу “Реал”нинг Европа Чемпионлар лигаси тарихидаги 1000-гол сифатида қайд этилди.

Қитъанинг энг нуфузли турнирида ҳали ҳеч қайси жамоа бу қадар кўп гол урмаган.

Бенземанинг иккинчи голи эса, унинг ушбу турнирдаги 75-самарали зарбаси сифатида қайдга олинган. Карим Чемпионлар лигасида бу кўрсаткичга эришган тўртинчи футболчи бўлди.

Унгача Криштиану Роналду, Лионель Месси ва Роберт Левандовски бу маррани забт этганди.