Карл Фроч: "Сауль Альварес ўзининг пик формасидан пастга қараб кетмоқда"

Собиқ жаҳон чемпиони, британиялик Карл Фроч америкалик Теренс Кроуфорднинг мексикалик Саул “Канело” Алварес устидан қозонган ғалабасига муносабат билдирди.

"Кроуфорд фақат баъзида тасодифий зарбаларни ўтказиб юборди. Менимча, у мазкур баҳсда бутунлай ҳукмронлик қилди. Теренс учун жанг осон кечди гўё. "Канело" эса аллақачон чўққидан ўтиб бўлибди, унинг энг яхши кунлари ортда қолибди. 67 та жанг ортда қолди, бу жуда катта юк", — деди Фроч "Football blog" га берган интервьюсида.

Эслатиб ўтамиз, ушбу тўқнашув 14 сентябрь куни АҚШнинг Лас-Вегас шаҳрида бўлиб ўтди ва унда Кроуфорд ҳакамлар қарори билан (116-112, 115-113, 115-113) ғалаба қозонди.