Карл-Хайнц Румменигге: Хамес уни сотиб олмаслигимизни сўради

Мюнхеннинг “Бавария” клуби бошқарув раиси Карл-Хайнц Румменигге “Реал” Мадриддан ижарага олинган колумбиялик футболчи Хамес Родригеснинг жамоадаги келажаги борасида гапириб ўтди.

“Асосий қарорлар қабул қилиб бўлинган. У мен билан шахсий суҳбат давомида клуб уни сотиб олмаслигини сўради.

У доимий ўйнашни ва асосий таркиб футболчиси бўлишни хоҳлайди. Бу ерда эса унга кафолат йўқ. Афсус”, - дейди Румменигге.

Эслатиб ўтамиз, “Бавария” Хамесни 2017 йилда 15 млн евро эвазига 2 мавсумга ижарага олган эди. Жамоалар ўртасидаги келишувга кўра немис грандида уни 42 млн еврога тўлиқ сотиб олиш ҳуқуқи мавжуд. Бироқ, мюнхенликлар юқорида айтиб ўтилганидек бу имкониятдан фойдаланишмайди. Колумбиялик юлдуз яна Мадридга қайтади.

Таъкидлаш керакки, Хамесни “Реал” бош мураббийи Зинедин Зидан ҳам жамоада кўришни хоҳламаяпти.