Каррагер Арбелоа билан майдондаги тортишувни эслади

"Ливерпуль"нинг собиқ ҳимоячиси Жейми Каррагер яқинда "Реал"ни бошқарган Альваро Арбелоа билан ўйин пайтида юзага келган тортишувни ёдга олди.

Арбелоа "Реал" тарбияланувчиси ҳисобланади. У 2007–2009 йиллар орасида "Ливерпуль" сафида тўп сурган, кейин эса Мадрид клубига қайтган.

2009 йили "Ливерпуль"нинг "Вест Бромвич"га қарши (2:0) учрашувида испаниялик ва англиялик футболчилар ўртасида майдонда тортишув юзага келган. Улар бир-бирини туртиб юборган, вазиятга Хаби Алонсо аралашиб, иккаласини ажратиб қўйган. Воқеадан кейин Каррагер ва Арбелоа қўл сиқишган.

"Биз мавсумда энг кўп "қуруқ" ўйин ўтказган жамоа бўлиш учун албатта гол ўтказмасдан ғалаба қозонишимиз керак эди.

Арбелоа яхши футболчи эди — буюк эмас, лекин яхши. Аммо у ўзини буюк деб ўйлай бошлади. Шунинг учун уни бироз жойига қўйишимга тўғри келди.

Альваро ҳаддан ташқари кўп ҳужумга ўтди, ҳимояланишни истамади. Аслида эса унинг вазифаси ҳимоя қилиш ва гол ўтказмасдан ўйин ўтказиш эди.

Ўша ўйинда биз "Вест Бромвич"ни 2:0 ҳисобида мағлуб этдик ва Пепе Рейна мавсумнинг энг яхши дарвозабони сифатида “Олтин қўлқоп”ни қўлга киритди", — деди Каррагер "CBS Sports" эфирида.