Каррагер "Ливерпуль"ни бир неча клубларнинг қудратли даврига қиёслади

Жейми Каррагер "Ливерпуль"ни янги Галактикос деб атади.

- АПЛда "Ливерпуль"нинг Галактикосга айланиши Александр Исакнинг рекорд трансферидан сўнг якунига етди. Юрген Клопп ўз фаолияти давомида самарали қўллаган тактика энди ўз аҳамиятини йўқотди.

"Ливерпуль" ҳозир кўпроқ 1970-80 йиллардаги гуллаб-яшнаган даврини эслатмоқда, ўшанда жамоа энг жозибадор, клуб эса мамлакатдаги энг муваффақиятли эди. Клопп бир пайтлар "Ливерпуль" дунёнинг энг кучли жамоаси эмас, балки енгиш энг қийин бўлган жамоа бўлишини истаганини айтган эди.

Клубнинг бир трансфер мавсумида 400 миллион фунт стерлингдан ортиқ маблағ сарфлагани мерсисайдликларга меҳр қўйганлар учун янги имкониятлар эшигини очмоқда.

"Ливерпуль" Флориан Виртц ва Уго Экитике билан шартномалар имзолагач, Флорентино Перес давридаги "Реал"га, қудрати чўққисига етган "Барселона"га, сер Алекс Фергюсон АПЛнинг ўзи хоҳлаган ҳар қандай юқори даражали футболчисини жалб қила оладиган "Манчестер Юнайтед"га ёхуд Роман Абрамович ва Абу-Даби томонидан сотиб олинганидан сўнг дастлабки трансфер ойналарида "Челси" ва "Манчестер Сити"га ўхшаб қолди, - дея ёзади "Ливерпуль"нинг собиқ ҳимоячиси Жейми Каррагер.