Касильяс: "Барселона"нинг чемпионликни бизнинг ўйинда нишонлашини истамасдим"

Мадриднинг "Реал" клуби собиқ дарвозабони Икер Касильяс "Эл-класико" олдидан ўз фикрлари билан ўртоқлашди.

Унинг таъкидлашича, агар "Барселона" чемпионликни қўлга киритса, "Реал Мадрид" рақибини табриклайди. Бироқ у футболчи сифатида бундай ҳолатнинг айнан "Эл-класико"да содир бўлишини истамаслигини айтди.

— Агар "Барселона" чемпион бўлса, "Реал Мадрид" уларни табриклайди. Аммо мен "Реал Мадрид" футболчиси сифатида уларнинг бизга қарши ўйинда чемпионликни нишонлашига йўл қўймаслик учун бор кучимни берардим, — деди Касильяс.

Эслатиб ўтамиз, 10 май куни бўлиб ўтадиган "Эл-класико"да каталонияликлар мағлуб бўлмаса, чемпионликни расман ҳал қилади.