Кавани 3 та ўйинга четлатилди ва 100 минг фунт жаримага тортилди

Англия футбол ассоциацияси (FA) ўзининг расмий сайтида "Манчестер Юнайтед" форварди Эдинсон Кавани билан содир бўлган ҳолат юзасидан расмий баёнот берди.

Унга кўра, уругвайлик футболчи 3 та ўйинга дисквалификация қилинган ҳамда 100 минг фунт жаримага тортилган.

Эслатиб ўтамиз, Кавани 29 ноябрь куни "Саутгемптон"га (3:2) қарши ўйиндан сўнг уни табриклаган Инстаграмдаги обуначиларидан бирига "Gracias negrito" (Раҳмат қора) деб мурожаат қилган. Орадан 3 соат ўтиб у ушбу постни ўчириб ташлаган, аммо FA бу ҳолатни эътибордан четда қолдирмаган ва ирқчилик қилган футболчи масаласида иш очган.