Кавани ишсиз қолмайди. “Барселона” унга махсус таклиф тайёрламоқда

ПСЖни тарк этаётган тўпурар Эдинсон Кавани олдида кутилмаганда “Барселона”да тўп суриш варианти пайдо бўлди.

“Интер”дан Лаутаро Мартинесни ололмаган “Барселона” 33 ёшли уругвайлик ҳужумчига ўз сафидан жой беришга қарор қилди.

“Барселона” Каванини кўндириш учун Луис Суаресдан фойдаланмоқчи. Суарес Уругвай терма жамоасидаги дўсти билан узоқ йиллардан буён яқин алоқаларни сақлаб келмоқда.

Гарчи ПСЖ ёши ўтиб қолган футболчига янги шартнома таклиф қилмаган бўлса-да, Кавани ишсиз қолмаслиги аниқ. “Барселона”дан ташқари тўпурар футболчи хизматига “Атлетико”, “Манчестер Юнайтед”, “Наполи” ва “Ювентус” жиддий қизиқиш билдирмоқда.