Тезкор! Ўзбек футболчиси Премьер-лига клубига ўтди

Нуфузли манба – Sport24 нашри маълумотига кўра, Ўзбекистоннинг “Андижон” клубида ўйнайдиган чап қанот ҳимоячиси Маҳмуд Маҳамаджонов Россия Премьер-лигасида иштирок этаётган Махачқалъанинг “Динамо” клуби билан 3 йиллик шартнома имзолаган.

23 ёшли футболчининг трансфери расман 2 сентябрь, чоршанба куни бўлиб ўтадиган Россия кубоги гуруҳ босқичининг 3-туридаги “Зенит”га қарши учрашувдан кейин эълон қилинади.

Маҳамаджонов жорий мавсумда “Андижон” сафида 22 та ўйинда майдонга тушиб, 3 та голли узатма амалга оширган.

Transfermarkt футболчининг бозор қийматини 400 минг еврога баҳоламоқда.

Маҳмуд Маҳамаджонов 2003 йилнинг 30 июнида туғилган. Асосий амплуаси - чап қанот ҳимоячиси. У ўз қанотида ярим ҳимоя ва ўнг томон ҳимоясида ҳам самарали ўйнай олади.

Иқтидорли футболчи “Бунёдкор” клуби тарбияланувчиси ҳисобланади. У 2022 йилда “Бунёдкор” асосий жамоасига ўтган. 2022–2024 йиллар давомида клуб сафида 38 та расмий учрашувда 2 та гол ургани қайд этилган. Фаолияти давомида бу клубдан ташқари “Пахтакор” ва Самарқанднинг “Динамо” жамоалари шарафини ҳам ҳимоя қилган.

2024 йил июлида Маҳамаджонов “Пахтакор”га ижарага ўтган. Ўша йили у янги жамоаси сафида бешта ўйин ўтказди. Энг қизиқ жиҳатлардан бири – у Элит Осиё Чемпионлар Лигасида ҳам “Пахтакор” таркибида майдонга тушган. Масалан, 2025 йил 4 март куни “Ал-Ҳилол”га қарши ўйинда иштирок этган.

2025 йил бошида Маҳмуд “Пахтакор” билан тўлиқ шартнома асосида қолган.

Йилнинг биринчи ярмида тошкентликлар сафида 8 та ўйинда битта гол урди. Шундан кейин 2025 йил 30 июлида “Динамо Самарқанд”га ижарага берилган. Самарқандликлар таркибида  тўртта ўйинда битта тўп киритди.

Маҳмуд Маҳамаджонов 2026 йилнинг февралида 170 минг евро миқдоридаги бадал пули эвазига “Пахтакор”дан “Андижон” клубига кўчиб ўтгани қайд этилган. Бу  Маҳамаджонов карьерасидаги муҳим босқич бўлди.

Махамаджонов Ўзбекистоннинг турли ёшлар терма жамоаларида ўйнаган. 2023 йилда Ўзбекистон U-20 терма жамоаси билан ёшлар ўртасидаги жаҳон чемпионатида иштирок этган.

Мундиалда Ўзбекистон U-20 терма жамоаси ўша мусобақада яхши натижа кўрсатган ва Маҳамаджонов шу авлоднинг футболчиларидан бири бўлган.

Маҳмуд Ўзбекистон U-23 терма жамоасида ҳам мунтазам жалб қилинган. Transfermarkt портали маълумотида U-23 учун 18 та ўйин ва 1 та гол ургани қайд  қайд этилган.

Ўзбекистон билан ўйнайдиган Жанубий Корея Россияда ишлаган мураббийни олиб келди

Рақиб мураббийи Шомуродов ҳақида қаттиқ гапирди!

Ўзбек футболчиси нега Россияни тарк этди?

Ҳусанов жуда юқори балл олди