Келадиганлар ҳам кетадиганлар ҳам йўқ! КХДР терма жамоаси ҳақида ғалати фактлар

Хабарингиз бор, жорий халқаро танаффусда Ўзбекистон миллий терма жамоаси саралашнинг 3-раунди доирасида КХДР ҳамда Қирғиз Республикаси терма жамоаларига қарши майдонга чиқади. 

Қайд этиш лозим, рақиб КХДР терма жамоаси таркибининг умумий трансфер қиймати 6,55 миллион еврони ташкил қилади. Бу борада улар ЖЧ саралаши 3-босқичида иштирок этаётган терма жамоалар орасида фақатгина Қувайтдан яхшироқ (5.18) 

Эътиборли томони шундаки, КХДР термаси таркибида ҳаракат қилувчи барча футболчилар миллий чемпионат аъзолари. Бундан ташқари, "Трансфермаркт" портали берган маълумотларга кўра, мазкур мамлакат клубларида бирорта ҳам легионер ҳаракат қилмайди (клубларида 100 фоиз маҳаллий футболчилар тўп тепади). 

Бу терма ҳақида ўрганишимиз вақтида яна бир антиқа жиҳатга дуч келдик. Аниқроқ қилиб айтганда, бу мамлакатнинг энг кўзга кўринган клубларининг айримларида 5 нафар ва ҳатто 1 нафар футболчилар рўйхатдан ўтганига гувоҳ бўлдик. Ўша клубда тўп тепувчи бошқа футболчилар ҳақида эса деярли маълумот йўқ.