Керак бўлмаса бизга бер! Саудияликлар Арбелоа билан келиша олмай қолган юлдузни олиб кетмоқчи

“Реал” ҳимоячиси Рауль Асенсио жорий мавсум якунланганидан кейин Мадрид клубини тарк этиши мумкинлиги ҳақида маълумотлар кўпайиб бормоқда.

Клуб бош мураббий Альваро Арбелоа билан келиб чиққан ихтилоф ортидан “Қироллик клуби” футболчини трансферга қўйишни режалаштирмоқда.

“Реал” Асенсиони сотишдан 50 миллион евро ишлаб топишни кўзламоқда. Маълум қилинишича, 23 ёшли испаниялик ҳимоячига Саудия Арабистони клублари қизиқмоқда.

Жорий мавсумда Рауль Асенсио “Реал” сафида барча мусобақаларда 30 та ўйинда иштирок этиб, 2 та гол урди ва 2 та голли узатма берди.

Transfermarkt.de сайти футболчининг трансфер бозоридаги қийматини 25 миллион евро, деб баҳоламоқда. Асенсионинг мадридликлар билан шартномаси 2031 йилнинг ярмигача амал қилади.