Кэррик Бруну Фернандеш билан юзма-юз учрашув ўтказди
«Манчестер Юнайтед» бош мураббийи Майкл Кэррик Бруну Фернандеш билан келишмовчиликларни муҳокама қилиб, уни «Челси»га қарши ўйинга қўймоқчи.
«Манчестер Юнайтед» бош мураббийи Майкл Кэррик жамоа етакчиларидан бири, португалиялик ярим ҳимоячи Бруну Фернандеш билан шахсий суҳбат ўтказди.
Маълумотларга кўра, учрашувда мураббий ва футболчи ўртасида сўнгги кунларда юзага келган келишмовчиликлар муҳокама қилинган. Аввалроқ Бруну Фернандеш Чемпионлар лигасида «Комо»га 1:4 ҳисобида мағлубиятдан сўнг Кэррикнинг қарорларини очиқ танқид қилган эди. Шундан кейин бош мураббий португалиялик футболчини АПЛ доирасидаги «Борнмут»га қарши учрашувни захирадан бошлашга мажбур этди. Ушбу беллашувда «Манчестер Юнайтед» 0:3 ҳисобида мағлуб бўлди.
Фабрицио Романонинг таъкидлашича, шунга қарамай, Бруну Фернандеш келаётган турда «Челси»га қарши ўйинда майдонга тушиши кутилмоқда. АПЛ доирасидаги ушбу баҳс шанба, 31 октябрь куни бўлиб ўтади. Ҳозирча «МЮ» саккиз турдан сўнг етти очко жамғарган ҳолда турнир жадвалида 16-ўринни эгаллаб турибди.
Изоҳлар (0)