Кэррик Фернандешдан сардорлик ваоклатини олиб қўйиши мумкин

"Комо"га қарши Чемпионлар лигасидаги 1:4 ҳисобидаги мағлубиятдан сўнг Бруну Фернандеш айтган гаплар атрофида баҳслар авж олди. "Манчестер Юнайтед" сардори жамоа шахсий прессингдан воз кечганидан норозилик билдириб, бундай тактика рақибга ишонч бағишлаганини таъкидлаган эди.

"Борнмут"га қарши ўйин олдидан ўтказилган матбуот анжуманида журналистлар Майкл Каррикдан португалиялик футболчи сардорлик мақомидан ёки асосий таркибдаги ўрнидан маҳрум этилиши мумкинми, деб сўрашди.

"Мен учун энг муҳими — жамоа, таркиб ва ички муҳит. Биз футбол клуби ҳақида гапиряпмиз. Вазият қандай бўлишидан қатъи назар, мен ҳар доим клуб манфаати учун энг тўғри деб билган қарорни қабул қиламан", — деди мураббий.

Шу билан бирга, Каррик Фернандеш билан бўлиши мумкин бўлган суҳбат тафсилотларини ошкор этмади. У, шунингдек, португалиялик яримҳимоячи ва ҳимоячи Лисандро Мартинеснинг оммавий баёнотларидан сўнг кийиниш хонасида келишмовчиликлар юзага келгани ҳақидаги миш-мишларни рад этди.

"Ҳеч қандай парчаланиш йўқ. Бизга фақат ўзимиз энг яхши уддалайдиган ўйин услубига қайтиш керак, холос. Бунга албатта эришамиз", — дея қўшимча қилди Каррик.

"Манчестер Юнайтед" барча мусобақалар доирасида кетма-кет етти ўйиндан буён ғалаба қоза олмаяпти.