Кетавер! "Бавария" суперюлдузи ўрнига бошқа ўйинчи топиб қўйди

«Бавария» ярим ҳимоячиси Майкл Олисе ёзда жамоани тарк этиши мумкин.

Журналист Санти Ауна тарқатган маълумотларга кўра, франциялик футболчи «Реал» сафида тўп суришни истамоқда ва Мадрид клубига ўтиш бўйича ўз позициясини қатъий билдирган. 

Шу боис мюнхенликлар аллақачон унинг ўрнини босадиган янги ўйинчи қидиришга киришган. Германия чемпиони сифатида «Бавария» Олисе ўрнига асосий номзодлардан бири сифатида ПСЖ вингери Брэдли Баркола номзодини кўриб чиқмоқда.

Брэдли Баркола 2023 йили «Лион»дан ПСЖга 45 миллион евро эвазига ўтган. Унинг Париж клуби билан тузган шартномаси 2028 йил 30 июнига қадар амал қилади.

2025/2026 йилги мавсумда ҳужумчи барча мусобақалар доирасида «ПСЖ» таркибида 49 та ўйин ўтказиб, 13 та гол урди ва 7 та голли узатма муаллифига айланди. Transfermarkt портали Баркола трансфер қийматини 70 миллион евро атрофида баҳоламоқда.