Кетмасанг бўлмайди, ўрнингга бошқа ҳужумчи чақириб қўйганмиз!
«Тоттенхэм» бош мураббийи Роберто де Дзерби жамоа ҳужумчиси Ришарлисоннинг келажаги борасида фикр билдирди.
– Менимча, Ришарлисон ўз қарорини ўзи қабул қилди. Мавсум олди йиғинларининг бошида у мен билан суҳбатлашди ва жамоани тарк этмоқчи эканини айтди. Шунинг учун биз бошқа ҳужумчини таклиф қилдик.
Тайёргарликнинг илк кунлариданоқ мен бу ерда фақат клубда қолишни, шараф ва ҳавас билан ўйнашни истайдиган футболчиларни кўришни хоҳлаганман, – дея де Дзербининг сўзларини келтиради ВВС.
29 ёшли бразилиялик футболчи «Трабзонспор» билан шахсий шартнома борасида келишиб олган. Бироқ клублар ўртасидаги музокаралар ҳали якунига етмаган – томонлар трансфер нархи бўйича келиша олмаяпти. «Тоттенхэм» 15 ва 20 миллион фунтлик таклифларни рад этган.
Аввалроқ Ришарлисон Лондон клубининг жорий мавсум АПЛ учун тақдим этилган рўйхатига киритилмаган эди.
Фикрлар