Кейинги мавсум учун "Барселона" сардорлари маълум

Марк-Андре тер Штеген "Барселона"нинг янги сардори бўлиши мумкин. Немис дарвозабони Серхи Роберто каталонияликлар жамоасидан кетганидан кейин сардорлик боғичини қўлга киритиш учун фаворит ҳисобланади, деб хабар бермоқда "AS" нашри.

Тер Штеген нафақат жамоага таъсири, балки янги бош мураббий Ханси Флик билан бир-бирини яхши тушунгани учун ҳам сардорлик лавозимини эгаллаш учун асосий номзод саналади.

"Барса" вице-сардори бўлган Френки де Йонг ва Рональд Араухо бу мақомни сақлаб қолишлари кутилмоқда. Уларга ҳали номи аниқланмаган яна бир футболчи қўшилади.

Сўнгги йилларда сардорлар ҳар доим бутун жамоанинг овози билан танланади, аммо номзодлар якуний сўзни айтган мураббий томонидан олдиндан келишилган. Бугунги кунда "Барселона"нинг тўртинчи сардори ролига асосий номзодлар Роберт Левандовски ва Педри ҳисобланади.

Флик полшалик ҳужумчини тайинлаш вариантини маъқул кўради, чунки уни кийиниш хонасида сўзсиз етакчилардан бири ва жамоадошлари учун яққол ўрнак деб билади. Бироқ, агар испаниялик ярим ҳимоячи сардорликка киритилса, немис бунга эътироз билдирмайди.

"Блауграна" сардорларининг якуний таркиби Гампер кубогидан сўнг аниқланади.