Кейн АПЛдаги голлари бўйича Рунига етиб олди

30 апрель куни “Тоттенхэм” АПЛ доирасида “Ливерпуль”га қарши сафар учрашувини ўтказди. Райан Мэйсон шогирдлари “Энфилд”даги ўйин давомида 3 та гол уришга муваффақ бўлди, аммо якунда 3:4 ҳисобида мағлуб бўлди.

"Тоттенхэм"нинг голларидан бирини Ҳарри Кейн киритди. Лондон жамоаси етакчиси бу голи орқали АПЛда урилган голлар сони бўйича Уейн Рунига етиб олди. Кейн ва Руни АПЛда 208 та гол билан иккинчи ўринни эгаллаб туришибди.

Англия премьер-лигасининг рекорди Алан Ширерга тегишли бўлиб, у рақиблар дарвозасига 260 марта тўп киритган.