Кейн "Барселона"га ўтмаслиги мумкин

Ҳужумчи Харри Кейн "Бавария"даги ўйинларига эътибор қаратмоқда ва клубда эканлигидан мамнун, деб хабар берди журналист Фабритсио Романо.

Футболчининг немис клуби билан амалдаги шартномаси 2027 йилнинг 30 июнига қадар имзоланган. Қайд этилишича, Кейн биринчи навбатда "Бавария" билан янги шартнома бўйича музокара ўтказади, шундан сўнг бошқа клубларнинг таклифларини эшитиши мумкин.

Шунга қарамай, форварднинг "Барселона"га ўтиши ҳақида гапиришга ҳали эрта, чунки Кейн бор эътиборини "Бавария"га қаратган ва трансфер миш-мишларига чалғишни истамаяпти.