Кейн фаолиятини Ла Лигада давом эттириши мумкин

Англия терма жамоаси ва "Бавария"нинг марказий ҳужумчиси Харри Кейн фаолиятини бошқа клубда давом эттириши мумкин. Бу ҳақда Touchline хабар берди.

Манбага кўра, юлдуз тўпурар келаси ёзда немис грандини тарк этиши мумкин. Ҳужумчи Испания Ла Лигасида ўйнашни хоҳлайди. Кейн ўз хизматларини Каталониянинг "Барселона" жамоасига таклиф қилди. Харри мавсум охирида клубни тарк этадиган полшалик Роберт Левандовски ўрнига келиши мумкин.

32 ёшли голлеадорнинг трансфер нархи 65 миллион еврони ташкил этади. Инглиз футболчисининг "Бавария" билан амалдаги шартномаси 2027 йил июнь ойи охиригача мўлжалланган.