Keyn: "Guruh bosqichini kutilganidek yakunlay olmadik, endilikda barcha e’tibor — pley-offda"

Myunxenning "Bavariya" jamoasi hujumchisi Xarri Keyn Klublar o‘rtasidagi Jahon chempionati–2025 guruh bosqichining so‘nggi turida "Benfika"ga qarshi kechgan uchrashuvdagi mag‘lubiyat haqida fikr bildirdi. Ushbu bellashuvda nemis grandi portugaliyaliklarga 0:1 hisobida yutqazdi.

"Guruh bosqichini rejamizdagidek yakunlay olmadik. Ammo bu — ortda qoldi. Endilikda barcha diqqatimizni pley-off bosqichiga qaratamiz" — deb yozdi ingliz to‘purari o‘z ijtimoiy tarmoqlarida.

Shu tariqa, Vensan Kompani shogirdlari o‘z guruhida ikkinchi o‘rinni egalladi. Klublar o‘rtasidagi Jahon chempionati pley-off bosqichining ilk raundida "Bavariya" Braziliyaning "Flamengo" jamoasiga qarshi maydonga tushadi.