Keyn o‘zi haqidagi tanqidiy fikrga javob berdi

"Bavariya"ning markaziy hujumchisi Xarri Keyn "Real Madrid" va "Liverpul"ning sobiq futbolchisi Maykl Ouenning tanqidiy fikrlariga javob berdi. Sobiq futbolchi to‘purarni nemis grandiga o‘tgani uchun tanqid qilgan edi.

- Har kimning o‘z fikri bor. Men Ouenga hurmat bilan qarayman, u APL afsonasi. Ammo har bir futbolchining o‘z yo‘li bor. U mening faqat chempionlik uchun ketganimni nazarda tutgan, biroq men uchun bu transfer eng avvalo eng yuqori darajaga ko‘tarilish edi, - dedi hujumchi.

32 yoshli angliyalik futbolchi Myunxen klubi safiga 2023 yilning yozida qo‘shilgan edi.