Кичик ўсмирларимиз Аммандаги Осиё чемпионатини муваффақиятли якунлашди

Иорданиянинг Амман шаҳри бокс бўйича У15 ва У17 ёш тоифаларидаги Осиё чемпионатига мезбонлик қилмоқда. Ортда қолган кун 15 ёшгача бўлган спортчилар ўртасида финал жанглари ўтказилди.

Якунда рингга кўтарилган 15 нафар боксчимизнинг 7 таси ғалаба қозониб, қитъа чемпионлигига эришди. Шунингдек, ярим финалгача етиб борган 8 нафар вакилимиз бронза медалига сазовор бўлди.

Ушбу натижа орқали йигитларимиз умумжамоа ҳисобида биринчи ўринни қўлга киритишди. Бугун 17 ёшгача бўлган боксчилар ўртасидаги финал жанглари ташкил этилади.