Килиан Мбаппе Испания Суперкубоги ўйинларини ўтказиб юборади!

"Реал" ҳужумчиси Килиан Мбаппе жароҳати сабабли Испания Суперкубоги учрашувларида иштирок этмайди. Мадрид клуби матбуот хизмати маълум қилишича, футболчида чап тизза боғламларининг чўзилиши аниқланган.

"L’Equipe" нашрининг хабарига кўра, Мбаппе камида уч ҳафта майдонга туша олмайди. Қайд этилишича, франциялик ҳужумчи сўнгги бир неча ўйинларда оғриқ билан ҳаракат қилган.

"Реал" 2026 йилдаги илк расмий ўйинини 4 январь куни "Бетис"га қарши ўтказади. 7–11 январь кунлари орасида бўлиб ўтадиган Испания Суперкубоги мусобақасида эса "қироллик клуби" ярим финалда "Атлетико"га қарши майдонга тушади.