Килиан Мбаппе нима учун захирада қолганини тушунтирди

"Реал Мадрид" ҳужумчиси Килиан Мбаппе "Реал Овьедо"га қарши баҳсдан кейин (2:0) нега учрашувни захирадан бошлаганига изоҳ берди.

"Мен учун “Эл-класико”да ўйнамаганим жуда аламли бўлди. Ҳаёт шундай.

Мен ҳозир 100 фоиз тайёрман. Асосий таркибда тушмаганимнинг сабаби — мураббий учун мен тўртинчи ҳужумчи эдим. Мендан олдин Мастантуоно, Вини ва Гонсало бор эди. Албатта, асосий таркибда бўлишни хоҳлагандим, лекин бу мураббийнинг қарори ва уни ҳурмат қилиш керак. Мен хафа эмасман", — деди Мбаппе.

Франциялик футболчи Арбелоа билан муносабатлари ҳақида ҳам фикр билдирди.

"Менда Арбелоа билан ҳеч қандай муаммо йўқ. Унга ҳурмат билан муносабатда бўлиш керак. Мураббийнинг фалсафасини қабул қилиш лозим ва таркиб учун рақобатда Вини, Гонсало ҳамда Мастантуонодан ўтиб кетиш учун яхшироқ ишлашим керак.

Мен мураббийнинг матбуот анжуманларини томоша қилмайман. Уйимда испан эмас, француз телевидениеси бор", — деди "Реал Мадрид" форварди.