Килиан Мбаппенинг 2026 йил учун 5 та мақсади маълум

AS нашри ўзининг расмий саҳифаларида "Реал" ҳужумчиси Килиан Мбаппе ҳақида мақола чоп этди. Муаллифлар бу материалда франциялик ҳужумчининг 2026 йилда олдига қўйган бешта улкан мақсадини санаб ўтган. 

Бу мақсадлар қуйидагича:

"Мадридликлар билан ЕЧЛни қўлга киритиш, Франция терма жамоаси сардори сифатида Жаҳон чемпионатида ғалаба қозониш, "Олтин тўп"га сазовор бўлиш, бир мавсумда 50 та гол киритиш ва "Олтин бутса" курашида ғолиб чиқиш",- дея келтирилган бу мақолада.

Эслатиб ўтамиз, 27 ёшли ҳужумчи жорий мавсум "қироллик клуби" сафида 27 та учрашувда майдонга тушиб, 30 та гол киритган ва 5 та голли узатма амалга оширган.