Ким ғолиб бўлади: Пётр Янми ёки Мераб Двалишвили?

UFC Шон-шараф зали аъзоси Майкл Биспинг "UFC 333" турнирида бўлиб ўтадиган Пётр Ян ва Мераб Двалишвили ўртасидаги чемпионлик жанги учун ўз прогнозини билдирди. 

"Ўтган сафар Пётр ҳалол ва муносиб тарзда ғалаба қозонганини кўрдик. У жанг давомида кучини тежаб ҳаракат қилди. Мераб каби кўп зарба бермади, аммо аниқ ишлади ва партерга ҳам кўпроқ ўтказди. У кўп тейкдаун қилишга уринмаган бўлса-да, ҳаракатларида анча тежамкор ва самарали эди. Шунинг учун ҳам ўша жангда ғалаба қозонди.

Албатта, биринчи тўқнашувда Мераб устун келганди, лекин бу анча олдин бўлган. Кейин у чемпионга айланди ва бир йил ичида тўрт марта камарини ҳимоя қилди. Бу эса уни чарчатди. Бу унинг натижаларига эмас, балки портловчи суръати, ғалабага чанқоқлиги ва мотивациясига таъсир қилди. У гўё автопилотда ҳаракат қилаётгандек эди.

Ҳозир эса Двалишвили бироз дам олди ва бу жангга янги куч билан келяпти. Пётр Ян эса бу жуфтликдаги энг яхши "ударник". Мераб эса ажойиб курашчи ва чидамлилигидан жуда яхши фойдаланади. Бу прогноз қилиш жуда қийин бўлган баҳс.

Мен Мерабни яхши кўраман, аммо барибир устунликни Пётр Янга бераман. Менимча, реваншдаги натижа яна такрорланади. Фақат бу сафар жанг анча яқин ўтади ва Мераб аввалгига қараганда кўпроқ муваффақиятли тейкдаунлар амалга оширади", — деди Биспинг.