Клопп бу ишдан қаттиқ афсусда!

The Independent нашри журналисти Мигель Делани “Ливерпуль” раҳбарияти ёзда Садио Маненинг кетишига йўл қўйилгани катта хато бўлганини тан олгани ҳақида ёзди.

Клуб сенегаллик футболчи ўрнини боса оладиган янги ўйинчи олиб келмагани жамоанинг ўйин услубига жиддий зарар етказмоқда.

Қолаверса, жамоа аъзолари орасида жароҳатланганларнинг кўпайиб кетгани ҳам вазиятга ёмон таъсир қилди.

Аслида “Ливерпуль” Садио Манега ворис сифатида Фабио Карвальюни олиб келган эди. Бироқ, ёш ўйинчи талантли эканига қарамай, жаҳон даражасидаги юлдузнинг ўрнини боса олмаяпти. Бундан ташқари, ҳужумни кучайтириши керак бўлган Дарвин Нуньеснинг Англия футболига мослашуви жуда секин кечмоқда.

Энди бош мураббий Юрген Клопп жамоа ўйинини қайта шакллантириш учун қишки трансфер ойнаси очилгунга қадар Садио мане даражасида ўйин қура оладиган янги ижрочи топиши талаб этилади.