Клопп Германия терма жамоаси тарихида энг ёмон стартни кўрсатди

Юрген Клопп бошчилигида майдонга тушган Германия терма жамоаси Миллатлар лигасида кутилмаганда Юнонистонга мағлуб бўлди.Шу тариқа Юрген Клопп Германия терма жамоаси тарихида энг омадсиз старт олган мураббийга айланди. Унинг қўл остидаги илк учрашувда немислар Нидерландияга қарши 1:1 ҳисобида дуранг қайд этган эди. Аввалги антирекорд Зепп Хербергер ва Хельмут Шенга тегишли бўлиб, улар ҳам дастлабки икки ўйинда жами икки очкодан тўплашган.

Эслатиб ўтамиз, Юрген Клопп жорий ёзда жамоани жуда омадсиз ўтган жаҳон чемпионатидан сўнг қабул қилиб олган эди. Юлиан Нагельсманн бошчилигидаги Германия терма жамоаси мундиалда 1/16 финал босқичида Парагвайга ютқазиб, мусобақани эрта тарк этганди.