Клопп: "Мен бўлганимда Погба ҳам, Роналду ҳам МЮга қайтмаган бўларди"

Собиқ "Ливерпуль" бош мураббийи Юрген Клоппнинг фикрича, "Манчестер Юнайтед" раҳбарияти Поль Погба ва Криштиану Роналдуни жамоага қайтармаслиги керак эди.

"Агар мен МЮни бошқарган бўлганимда, Погбани ортга қайтармаган бўлардим. Роналду? Уни ҳам йўқ. Футболчи қайтиб келганида бу вариант жуда кам ҳолларда иш беради", — деди Клопп "The Diary Of A CEO" ютуб-каналига берган интервьюсида.

Эслатиб ўтамиз, Криштиану Роналду 2021 йили "Ювентус"дан "Манчестер Юнайтед"га қайтган, аммо 2022 йилнинг охирида можароли тарзда клубни тарк этган эди. Ҳозирги вақтда 40 ёшли португалиялик ҳужумчи Саудиянинг "Ан-Наср" жамоаси шарафини ҳимоя қилмоқда. Унинг шартномаси 2027 йилгача амал қилади.