Клопп: Муҳаммад Салоҳ кетиши керак...

“Ливерпуль” бош мураббийи Юрген Клопп маълум муддат жамоа ҳужумчиси Муҳаммад Салоҳ ёрдамидан фойдала олмайди.

Мисрлик футболчи Африка Миллатлар кубогида ўз юрти шарафини ҳимоя қилиши талаб этилмоқда.

Юрген Клопп бу ҳолатга қуйидагича баҳо берди.

- Ҳар қандай режа унинг қандай амалга оширилишига боғлиқ бўлади. Бу масала биринчи марта кўтарилаётгани йўқ. Аввал аҳвол ёмонроқ эди. Чунки Муҳаммад Салоҳ билан бирга Садио Мане ҳам Африкага кетарди. Биз ўша пайтда ҳам вазиятдан чиқишни уддалаганмиз.

Африка кубоги муҳим мусобақа эканини тушунаман. Муҳаммад Салоҳ клубдан кетиши керак. Буни борича қабул қилиш лозим, - деди Юрген Клопп.

Африка Миллатлар кубоги 13 январдан 11 февралга қадар давом этади.